კორნელი კეკელიძის სახელობის საქართველოს ხელნაწერთა ეროვნულ ცენტრში დაცული სომხური ხელნაწერების კოლექცია მოიცავს 311 ხელნაწერსა და 180 დოკუმენტს, რომლებიც სრულად ასახავს სომხური ხელნაწერი კულტურის განვითარებას საუკუნეთა მანძილზე. წინამდებარე ალბომის მიზანია სომხური ხელნაწერი მემკვიდრეობის დაცვა და მისი გაცნობა ფართო საზოგადოებისთვის. წარმოდგენილი მასალა შერჩეულია ცენტრის სომხური კოლექციიდან მათი განსაკუთრებული მხატვრული ღირებულებისა და ისტორიული მნიშვნელობის გათვალისწინებით.